Checklist буюу хийх зүйлсийн жагсаалт хөтөлж төлөвлөгөөндөө тусгадаг хүмүүс аливаа зүйлд илүү нямбай бөгөөд эмх цэгцтэй ханддаг байна.

Checklist-ийг хамгийн түгээмэл ашигладаг арга нь өдөр тутмын хийх ажлуудаа бүртгэх байдаг ч санхүүдээ ч ашиглах боломжтой байх нь ээ.

Ингээд дараах аргаар санхүүгийн Checklist-ээ үүсгээрэй.

1. Олон хугацааны үечлэл ашигла. Жилийн, сарын, долоо хоногийн checklist-үүд үүсгээрэй. 
2. Одоогийн байдлаар өөртөө орж ирэх тогтмол орлого, төлөх ёстой зээл, авах ёстой зүйлс гээд санхүүтэй холбоотой бүх зүйлсээ checklist-ндээ оруулаарай. 
3. Нэмээд өөрийн зорьж буй зорилгоо оруулаарай. Жишээ нь: 3 сарын дараагаас цахимаар англи хэл заадаг болно. Үүний орлого сарын 200,000₮ орж ирнэ гэдэг байдлаар жилийн checklist дээрээ оруулаарай. 
4. Өдөр болгон checklist-ээ шалгаарай. 
5. Аль болох өдөр болгон тэмдэглэж урам авах боломжтой даалгавар үүсгэ. Өдөр бүр 1,000₮ хуримтлуулах байж болох юм. 

Ингэх байдлаар бүхий л санхүүтэй холбоотой тэмдэглэлээ хийж түүндээ дүгнэлт гарган багасгах ёстой зардал, хуримтлуулах боломжтой мөнгө зэргээ хянаж эхэлснээр илүү санхүүгийн сахилга баттай болох боломжтой.